 |
|
#1
03-13-2011, 05:36 PM
|
|||
|
|||
tera chand sa chehra
ghazal Ankhon men samaya ha tera chand sa chehra Qismat ne dikhaya ha tera chand sa chehra us khaliq e mahtab ne mahtab se barh kar pur noor banaya ha tera chand sa chehra jis dil men mohabbat ki talab jag rahi thi us dil men basaya ha tera chand sa chehra hum khod se hen naraz isi bat pe ab tak kyon hum ne bhulaya ha tera chand sa chehra ye ranj ki zulmat to mere sath rahi ha phir kis ne bujhaya ha tera chand se chehra khahish ha k dekho'n tere chehre ko musalsal itna mujhey bhaya ha tera chand sa chehra Yadon k darichey men tere pyar ki khatir Yawar ne sajaya ha tera chand sa chehra by yawar azeem. Last edited by yawar azeem : 06-19-2011 at 01:25 PM. 
|
|
#2
04-18-2011, 07:46 AM
|
|||
|
|||
yawar nice and good poetry noreen noor
|
|
#4
06-25-2011, 01:54 PM
|
|||
|
|||
|
Ghazal aur kya karta bayan e gham tumharey samney meri ankhain ho gayin purnam tumharey samney hum judai men tumhari mar bhi saktey hen magar chahatey ye hen k nikley dam tumharey samney jis men hum dono k bachpan ki bhi ik tasveer ha dhond kar laya hon wo album tumharey samney ye malal e mosam e rafta ha aakhir kis liye muskurata ha naya mosam tumharey samney tum samandar ki tarah aaghosh wa kartey nahi hum to ban jatey hen moj e yam tumharey samney kis liye tum neend men sharma rahey ho is tarah khab men kya a gaye hen hum tumharey samney by Yawar azeem. Meanings. (1) Wa.....kholna , kushada karna. (2) Yam.....darya , nadi.
|
|
#5
06-29-2011, 11:45 AM
|
|||
|
|||
|
Teri tasveer dekh kar teri masoom jawani ki qasam khata hon apni benam kahani ki qasam khata hon men ne pakiza nigahon se kayi bar sanam teri tasveer ko dekha ha barey pyar k sath terey pekar pe mohabbat se nazar dali ha zulf o rukhsar ko choma ha barey pyar k sath dil e hassas men bharki ha tere ishq ki aag khahish e wasl ne betab kiya ha mujh ko tu mere nam se waqif bhi nahi ha shayad kyon teri yad ne bekhab kiya ha mujh ko terey pekar ko tarasha ha meri jan e haya khaliq e husn k hathon ne bari khobi se waqt e takhleeq musavvir ne yehi socha tha tujh ko mehrom na rakhey ga kisi khobi se apney jazbat ki shiddat ko baya'n kese karon is se qasir ha abhi johar e guftar mera gham ki mojo'n men ghira soch raha hon kab se kya koi lafz nahi hasil e izhar mera waqf kar k ye taghazzul ka hunar tere liye men tere husn ko ik aur ada de don ga terey khakey men naye rang samo kar jana! teri tasveer ko tanveer e baqa de don ga teri masoom jawani ki qasam khata hon apni benam kahani ki qasam khata hon by Yawar Azeem.
|
 |
«
Previous Thread
|
Next Thread
»
| Thread Tools | Search this Thread |
| Display Modes | |
Linear Mode
|
|
All times are GMT. The time now is 06:07 AM.