Mom Bante Rahe Pighalte Rahe
Apni Umron Ko Hum Nigalte Rahe

Hum Adakaariyon Ke Shaidaaee
Roz Chehre Naye Badalte Rahe

Shahar Mein Ho Rahi Thi Nigrani
Aur Har Soo Makaan Jalte Rahe

Faiz-e-Tahzeeb-e-Nau , Ilahi Khair
Jhooti Shaanon Se Hum Bahalte Rahe

Ahle Himmat Ne Ma’aarke Jeete
Shaair-e-Zulf Haath Malte Rahe

Unki Zulfe Rasa Sanwarti Rahi
Kitne Logon Ke Dil Machalte Rahe

Rekhta Aap Se Koi Poochhe
Sabz Baghon Se Kyon Bahalte Rahe

wah jee wah

aatish e ishq ko bhrka ke haya
apni hi aag mein hum jaltay rahay